Kuya dedo sa hataw ng bareta ni utol
MANILA, Philippines – Basag ang ulo ng isang isang 45-anyos na mister matapos hatawin sa ulo ng bareta ng nakababatang kapatid sa birthday party ng kanilang kapatid na babae sa Brgy. Gangao, Baleno, Masbate kamakalawa ng hapon.
Hindi na umabot pang buhay sa pagamutan ang biktimang si Rey Palacio Rapsing habang naaresto naman ng mga rumespondeng pulis ang suspek na si Gerald Palacio Rapsing, 36-anyos, pawang residente ng nasabing barangay.
Sa ulat, dakong alas-3:00 ng hapon habang masayang ipinagdiriwang ang kaarawan ng kanilang kapatid na babae na si Margie Rapsing nang dumating ang biktima na lasing.
Sa hindi malamang dahilan ay nagkaroon ng pagtatalo ang magkapatid hanggang nakitang kumuha ng bareta na ginagamit sa panghukay ang suspek at hinataw ang nakatatandang Rapsing sa ulo.
Sa lakas nang pagkakahataw ay nabasag ang bungo nito at agad na nasawi.
Sinubukan pang dalhin ang biktima sa pagamutan pero idineklarang dead-on-arrival.
- Latest
