7 wanted sa batas timbog

BULACAN  , Philippines  — Pitong lalaki na may mga nakabimbing kasong kinakaharap sa hukuman ang naaresto ng pulisya kahapon matapos na muling paigtingin ang kampanya laban sa may mga kasong kriminal sa iba’t ibang bayan dito. Nakadetine na ang mga suspek na kinilalang sina Danny Alberto ng San Ildefonso (Rape), Leonito Feliciano ng Bustos (Attempted Rape); Rodel Garcia ng San Rafael (Acts of Lascivousness in Relation to R.A. 7610); Benigno Francisco Jr. ng Bustos (Adultery); Bob Eugene Dela Cruz ng Malolos City (Theft); Mark Lawrence Galvez ng Balagtas (Theft) at Jeric Mangahas ng San Miguel para sa kasong B.P. 22. Ayon sa pulisya, ang mga naturang akusado ay pansamantalang nakapiit sa iba’t ibang himpilan ng pulisya at nakatakdang iprisinta sa mga korte sa Malolos City.