Trike vs trak: Mag-asawa, 5 pa kritikal

TUGUEGARAO CITY, Cagayan, Philippines - Kritikal ang mag-asawa at limang iba pa  matapos salpukin ng kanilang traysikel ang pumaparadang dumptruck sa gilid ng Solsona-Apayao Road sa Barangay Manalpac, bayan ng Solsona, Ilocos Norte noong Lunes ng gabi.? Kinilala ni P/Chief Insp. Dexter Corpuz, tagapagsalita ng Ilocos Norte police office ang mag-asawang naisugod sa Dingras District Hospital na sina Romeo Balino, 32; Benelyn  Balino, 27; mga anak na sina Marc Romwel Balino, 5; Ruben John Balino, 7; bayaw na si Benedicto Rasalan, 20; utol na si Cristina Balino, 39; at ang pamangking si Maria Fe Balino, 8.? Lumalabas sa imbestigasyon na nagmula sa inuman ang drayber ng traysikel bago niya salpukin sa likuran ang nakaparadang truck (XTU-653) ni Daemar Sobrepena, 26, sa loob ng compound ni Andy Jambaro dakong alas-9:30 ng gabi.?Isinailalim sa kustodiya ng pulisya ang drayber ng trak matapos ang sakuna.