3 pang bagets nalunod sa ilog

TUGUEGARAO CITY, Cagayan - Tatlo pang kabataan ang iniulat na nalunod matapos magtampisaw sa malawak na ilog upang mapawi ang matinding init ng tag-araw sa Isabela, Cagayan at La Union kamakalawa. Sa ulat na ipinalabas ni P/Supt. Manuel Bringas, tinangay ng malakas na agos ng Cagayan River ang biktimang si Lloyd Jeric Sabado palayo sa kanyang mga kaklase habang nakababad sa Pinacanauan River sa Barangay Baculud,  Ilagan City, Isabela. ?Samantala, tinangay din ng agos ng ilog ang biktimang Norilyn Dela Cruz 15 ng Iguig, Cagayan nang magkayayaan sila sa ilog ng mga kaklase sa Vicente Trinidad High school.? Nilamon din ng ilog ang biktimang si John Russel Lugue habang nagtatampisaw sa tubig sa Barangay Llones East sa bayan ng Tubao, La Union.? Nagawang sagipin ng mga residente ang tatlong biktima subalit idineklarang patay sa ospital.