Tiyahin kinatay ng pamangkin

TUGUEGARAO CITY, Cagayan, Philippines – Halos humiwalay ang ulo sa katawan ng 64-anyos na  tiyahin matapos itong pagtatagain ng sariling pamangkin dahil sa pagtatalo nila sa sinasakang lupa sa Barangay Sta. Filomena, bayan ng Abulug, Cagayan kamakalawa. Kinilala ni P/Senior Insp. Marlon Serna, hepe ng Abulug PNP ang napatay na si Editha De Ocampo habang pinaghahanap naman ng pulis­ya ang suspek na si Teddy Guillermo na tumakas patungo sa kagubatan. Nabatid na nauwi sa pagtatalo ang usapan ng mag tiyahin sa bahay ng suspek matapos sabihin ng matanda na isasailalim muna sa kanyang pangangasiwa ang sakahan ng pamilya. Gayunman, nagdilim ang pag-iisip ng suspek kaya pinagtataga ang kanyang tiyahin saka tumakas ang suspek.