Karnaper utas sa shootout
BULACAN, Philippines – Napatay ang sinasabing notoryus na karnaper matapos itong umiwas sa checkpoint at makipagbarilan sa mga operatiba ng pulisya sa kahabaan ng Viola Highway sa Barangay Talacsan, bayan ng San Rafael, Bulacan kamakalawa ng hapon.
Kasalukuyan pang bineberipika ng pulisya ang tunay na pagkakakilanlan ng kawatan na may alyas lamang na Kalili at Donkey.
Sa police report na nakarating kay P/Senior Supt. Ferdinand Divina, nagmamando sa checkpoint ang pangkat ni P/Supt. Orlando Castil Jr. nang mamataan ang motorsiklo ni Kalili na paparating.
Gayon pa man, imbes na huminto sa checkpoint ay umiwas ito kaya hinabol ng mga operatiba ng pulisya kung saan sumiklab ang shootout.
Narekober kay Kalili ang ang isang cal. 9mm pistol na may walong bala at motorsiklo na pag-aari ng security guard na si Jay-R Añonuevo na sinikwat noong Agosto 29, 2015.
- Latest
