8 tiklo sa pot session

LEGAZPI CITY, Albay, Philippines – Bagsak-kalaboso ang walo-katao na sinasabing adik sa droga makaraang maaresto ng mga operatiba ng polisya sa aktong nagpa-pot session kamakalawa ng madaling araw sa Purok 3, Barangay Busay sa bayan ng Daraga, Albay. Pormal na kinasuhan ang mga  suspek na sina Vic Lombres, 32; Rachelle Llandelar, 24; Charmaine Dela La Cruz, 21; Mary Ann Acuña, 25; Margarita Ong, 22; Randy Mujar, 29; Christopher Mejia, 32; at si Fernando Orquito, 38, mga nakatira sa iba’t ibang bayan sa Albay. Base sa police report na isinumite sa Camp Simeon Ola, armado ng search warrant na inisyu ni Judge Pedro R. Soriao ng Legazpi City Regional Trial Court Branch 5, sinalakay ng pulisya ang bahay ni Lombres. Naaktuhan ang mga suspek sa pot session  habang narekober naman ang ilang plastic sachet ng shabu at mga drug paraphernalia.