Misis inutas ng mister na pulis dahil sa sundalong lover

MANILA, Philippines – Dahil sa hindi matanggap na hiniwalayan at ipinagpalit siya sa isang sundalo, pinagbabaril at napatay ng bagitong pulis ang kaniyang 38-anyos na misis sa Barangay Poblacion, bayan ng Kabasalan, Zamboanga Sibugay kamakalawa.

Kinilala ang biktima na si Michell Abracia Balde habang arestado naman ang suspek na si PO2 Rolly Balde, nakatalaga sa Kabasalan PNP.

Base sa police report na nakarating sa Camp Crame, naganap ang pamamaril sa inuupahang kuwarto ng biktima sa boarding house.

Sa pahayag ng mga residente, sinugod ng suspek ang boarding house ng biktima  matapos na  madiskubre ang pagtataksil nito na may karelasyong sundalo.

Narinig ng mga residente na nagsisigawan ang mag-asawa sa loob ng boarding house na humantong sa pamamaril.