Mag-live-in dedo sa akyat-bahay

BULACAN, Philippines – Isang American national at live-in partner nito ang natagpuang patay sa nirerentahang apartment sa Brgy. Pulong Maragul, Angeles City, Pampanga kahapon ng umaga .

Kinilala ang mga biktima na sina Robin Allan Potter 67, tubong Michigan,U.S.A. at Evangeline De Villar 37 kapwa pansamantalang nakatira sa Don Bonifacio Subdivision, Brgy. Pulong Maragul sa naturang bayan .

Base report ng pulisya, dakong alas 9:50 ng umaga ay nagpunta ang mga magulang ni Evangeline na sina Rolando at Erlinda De Villar sa apartment ng mga biktima upang dalawin ang kanilang anak ngunit laking gulat na lang ng mga ito ng walang sumasagot at may masangsang na amoy mula sa loob ng bahay.

Agad na humingi ng tulong ang mga magulang ng biktima sa pulisya para mabuksan ang apartment at nakita si Potter sa loob ng c.r. habang si De Villar naman ay nasa kuwarto sa itaas at nakatali ang kamay sa kama.

Posible umanong pagnanakaw ang motibo ng pagpatay sa mga biktima.