Negosyante pinabulagta

CAVITE, Philippines – Bulagta ang 35-anyos na negosyante maka­raang pagbabarilin ng di-kilalang lalaki sa harap ng pinapagawang bahay sa Barangay Mambog 2 sa Bacoor City, Cavite kamakalawa ng gabi. Anim na bala ng cal. 45 pistol ang tumapos sa buhay ni Randy Sapida ng Green Square Subdivision Villas sa nasabing barangay. Sa police report na isinumite sa Camp Pantaleon Garcia sa Imus City, naganap ang krimen bandang alas-8:45 ng gabi kung saan tinatanaw ng biktima ang kanyang bahay na pinagagawa nang lapitan at ratratin. Narekober sa crime scene ang anim na basyo ng cal. 45 pistol habang patuloy naman ang imbestigasyon.