Mag-utol nagpatayan sa Christmas party

NUEVA ECIJA, Philippines – Nauwi sa disgrasya ang masayang Christmas party ng magkakapatid makaraang mapatay ng nakatatandang utol ang nakababata nitong kapatid sa likod ng kanilang bahay sa Barangay San Roque, bayan ng Lupao sa Nueva Ecija, kamakalawa ng madaling-araw. Kinilala ang biktima na si Amando Mendez, 46, habang pinaghahanap naman ng pulisya ang suspek na si Judi Mendez, 52, kapwa nakatira sa nasabing barangay. Nabatid na nag-iinuman ang magkakapatid na Mendez nang biglang magkapikunan sa pinag-uusapang isyu ang magkapatid na Amando at Judi. Kaagad namang kumuha ng itak ang suspek saka pinagtataga ang biktima na sinasabing lango na rin sa alak.