5 tiklo sa drug bust

BULACAN, Philippines --- Limang katao kabilang ang isang babaeng notoryus na tulak ng shabu ang naaresto ng pulisya sa drug bust operation sa Brgy. Wakas at Brgy. Caingin sa Bocuae, Bulacan kamakalawa ng gabi

Nahaharap sa kasong kriminal ang mga suspek na sina Donna Galvez , 45; Oli­ver Cruz, 34; Norberto Agustin, 50 ; Eduardo Nicolas, 53 ng Nicolas Compound sa Brgy.Taal at Edward Guevarra, 30 anyos.

Sa ulat ni Supt Nathaniel Villegas, bandang alas-8:15 ng gabi ng masakote ang  suspek  na si Galvez matapos namang may mag-tip sa illegal nitong aktibidades at nasamsam mula sa rito ang dalawang sachet ng shabu.

Samantalang ikinanta naman ni Galvez ang apat pang tulak na nasakote naman sa follow-up operations  na naaktuhang sumisinghot ng shabu. Nasamsam din mula sa mga ito ang 8 pang sachet ng shabu at mga drug paraphernalias.