Motorcycle shop owner itinumba
CAVITE, Philippines — Patay ang isang 41-anyos na motorcycle shop owner nang pagbabarilin sa ulo ng hindi pa nakilalang mga armadong salarin sa loob ng establisimento nito sa Brgy. Salitran III, Dasmariñas City, Cavite kamakalawa.
Kinilala ng pulisya ang biktima na si Romeo Santos, may-ari ng RCJC Motorshop, residente ng lungsod at Pangulo ng isang Riders Club dito
Ayon kay Chief Insp Jowel Saliva, Deputy Chief ng Police ng Dasmariñas City, dakong alas-9:30 ng umaga nang maganap ang insidente sa loob ng pag-aaring shop ng biktima sa lugar.
Bigla na lamang umanong pumasok ang mga armadong suspek at walang sabi-sabing pinabulagta ang biktima saka tumakas sakay ng motorsiklo.
Narekober naman sa crime scene ang mga basyo ng bala ng cal. 45 pistol.
- Latest
