Lolo inutas ng chairman
CAVITE, Philippines – Pinaniniwalaang matinding alitan ang isa sa motibo kaya pinatay ang 72-anyos na lolo matapos itong pagbabarilin ng barangay chairman at kasama nito sa naganap na panibagong karahasan sa Barangay Aguado, Trece Martires City, Cavite kamakalawa.?
Idineklarang patay sa Gen. Emilio Aguinaldo Memorial Hospital ang biktimang si Policarpio “Pio” Nueva Jr., magsasaka at nakatira sa Barangay Lapidario habang pinaghahanap naman ang mga suspek na si Chairman Jaimer Sierra at Marlon Sierra na kapwa nakatira sa nabanggit na barangay. Sa police report na isinumite sa Camp Pantaleon Garcia, bumibili ng sigarilyo sa tindahan ang biktima nang lapitan at ratratin ng mga suspek. Kahit sugatan ay nakatakbo pa ang biktima subalit muling pinutukan. Kaagad na tumakas ang mga suspek lulan ng metallic brown na Toyota Fortuner na may plakang SHG 955.
- Latest
