Magsasaka kinatay sa lamayan
QUEZON , Philippines – Brutal na kamatayan ang sinapit ng 59-anyos na magsasaka makaraang pagtatagain ng kabarong magsasaka habang nakikipaglamay sa namatay na pamangkin sa Barangay Sabang, bayan ng Quezon, Quezon, kamakalawa ng madaling araw. Nagmistulang kinatay na hayop ang katawan ng biktimang si Perlito Inisin habang pinaghahanap naman ang suspek na si Alberto Iglesia ng bayan ng Alabat, Quezon.
Sa imbestigasyon ng pulisya, lumilitaw na nakikipaglamay ang biktima sa namatay nitong pamangkin nang lapitan at komprontahin ng pinasan ng suspek na si Mario Iglesia kaugnay sa hiniram na bangka na hindi pa naisasauli.
Gayon pa man, naawat naman ang dalawa sa mainitang pagtatalo kung saan nilapitan ni Alberto ang biktima at pinayuhang magpakumbaba dahil siya ang may kasalanan.
Sa halip na sundin ang payo ay nagmatigas pa ang biktima kaya nagalit ang suspek at isinagawa ang pamamaslang.
- Latest
