Sekyu dedo sa magnanakaw
MAGUINDANAO , Philippines – Napatay ang 36-anyos na security guard makaraang barilin ng isa sa apat na magnanakaw na manloob sa kanyang binabantayang pawnshop sa panulukan ng Sk Pendatun Avenue, at Bonifacio Street sa Poblacion 6, Cotabato City, Maguindanao noong Sabado ng umaga. Napuruhan sa dibdib si Rick Boy Umpacan ng Balas, Kalanganan sa nasabing lungsod. Lumilitaw na binabantayan ng biktima ang P’Mark Pawnshop nang bigla na lamang may humintong dalawang motorsiklo sakay ang apat na maskaradong lalaki. Lumapit sa biktima ang isa sa mga kawatan at tinangkang agawin sa hawak na shotgun pero nanlaban si Umpacan kaya napilitang itong putukan. Kahit sugatan ay nagawang putukan ng biktima ang isa sa kawatan kaya hindi naisagawa ang pagnanakaw. Kaagad na nagsitakas ang apat at walang natangay sa nasabing pawnshop.
- Latest
