2 senglot lunod sa ilog
TUGUEGARAO CITY, Cagayan , Philippines – Kamatayan ang sumalubong sa dalawang kalalakihan makaraang malunod sa gitna ng kanilang pagtatampisaw sa Cagayan River sa magkahiwalay na insidenteng naganap sa mga bayan ng Gamu at San Agustin, Isabela kamakalawa. 

Kinilala ng pulisya ang nalunod na tanod na si Luis Oblino Haromay, 45, ng Barangay Distrito 3, bayan ng Gamu, Isabela. Napatid na tumalon ang biktimang si Haromay na sinasabing lango sa alak sa malalim na bahagi ng ilog sa gitna ng kasiyahan ng kanilang picnic subalit nabigo itong lumutang.
Agad sinisid ng kanyang mga kasamahan ang biktima subalit patay na ito nang maiahon sa pampang. 

Samantala sa bayan ng San Agustin, tanging si Romy Mateo, 38, farm helper ang hindi nakatawid sa kabilang pampang ng ilog nang mag-unahan lumangoy noong Sabado sa Barangay Palasyan.
Kahapon lamang narekober ang bangkay ng biktima matapos itong lumutang.
- Latest
