Bulto ng pampasabog nasamsam
MANILA, Philippines - Umiskor ang mga operatiba ng pulisya makaraang masamsam ang bulto ng mga pampasabog na lulan ng van sa kahabaan ng highway sa Barangay Ampayon, Butuan City, Agusan del Norte kamakalawa.
Sa police report na nakarating sa Camp Crame, bandang alas-9:30 ng umaga nang harangin ng pulisya ang kulay abong L300 Mitsubishi van (GEY 956) na minamaneho ni Jay Jumawan.
Arestado naman sa opeÂrasyon si Jumawan at kasama nitong si Dennis Batal, 21, nagmamaneho naman ng motorsiklo na escort ng nasabing van.
Nasamsam sa mga suspek ang anim na sako ng ammonium nitrate at anim pang kahon na bawat isa ay naglalaman ng 100 aluminum super plain detonators at iba pang sangkap sa paggawa ng bomba.
Bago masabat ang mga suspek ay nakatanggap ng impormasyon ang pulisya mula sa kanilang asset kaugnay sa ibibiyaheng pampasabog kung saan lulan ng van.
- Latest
