Road mishap: 1 dedo, 3 grabe
LEGAZPI CITY, Philippines — Isang ginang ang nasawi habang malubha namang nasugatan ang tatlong iba pa matapos na aksidenteng sumabog ang gulong ng kanilang sinasakyang motorsiklo sa kahabaan ng highway ng Zone 1, Brgy Kinalasan, San Jose, Camarines Sur kamakalawa.
Kinilala ang nasawing biktima na si Rosalinda delos Santos, 50-anyos, may asawa, dead-on-arrival sa Partido District Hospital.
Nasa kritikal namang kondisyon sina Joseph Delos Santos 26, may asawa, anak ng nasawing misis, Daryl Pesimo, 19, binata at ang 8- anyos na si Marjorie Molina; pawang mga residente ng Zone 7, Brgy. Idong, Presentacion, Camarines Sur.
Batay sa ulat ng pulisya, dakong alas 4:20 ng hapon habang ang mga biktima ay sakay ng motorsiklo (EM-2484) na minamaneho ni Joseph, kaangkas ang iba pang biktima na patungo sa fellowship ng El Shaddai nang mangyari ang insidente.
Bigla na lamang sumaÂbog ang gulong ng motorsiklo na nagkataong mabilis ang takbo na nagbunsod sa sakuna na ikinasawi at ikinasugat ng mga biktima.
- Latest
