Barangay kagawad itinumba

TUGUEGARAO CITY, Cagayan, Philippines – Pinabulagta ang 39-anyos na barangay kagawad habang sugatan naman ang kasamahan nito matapos ratratin ng riding-in-tandem assassins sa harapan ng sabungan sa Barangay Crispina, bayan ng Banna, Ilocos Norte kamakalawa. 
Napuruhan sa ulo si Kagawad Prospero Abaton ng Barangay Hilario habang nagtamo ng tama ng bala sa paa at mga braso ang kasama nito na si Aleries Uducayen, 24, na naisugod sa Mariano Marcos Memorial Hospital and Medical Center sa Batac City.
 Narekober sa crime scene ang pitong basyo ng mga bala ng cal. 45 pistol at 14 namang basyo ng bala ng cal. 9mm pistol. 
Blangko pa rin ang pulisya sa motibo ng pamamaslang habang patuloy pa rin ang pagsisiyasat.