Trader itinumba sa terminal

BULACAN , Philippines  â€“ Pinaniniwalaang onsehan sa bawal na droga ang isa sa motibo kaya pinagbabaril hanggang sa mapatay ang 35-anyos na negosyante sa terminal ng pampasaherong jeepney sa Barangay Graceville, San Jose Del Monte City, Bulacan kamakalawa ng gabi. Apat na bala ng cal. 45 pistol ang tumapos sa buhay ni Reynaldo Nicolas ng Barangay Gumtol, Palawan. Ayon kay PO2 Enrique Bolina, lumilitaw na naghihintay ng jeepney ang biktima nang lapitan at kausapin ng isang alyas Jamil na sinasabing notoryus sa nasabing lugar. Gayon pa man, umalingawngaw ang sunud-sunod na putok ng baril at duguang bumulagta ang biktima habang lumayo naman ang suspek na animo’y walang naganap na pamamaril.