Estudyante durog sa bus

BULACAN, Philippines - – Durog ang katawan ng  21-anyos na binata matapos na magulungan ng pampasaherong bus sa Barangay San Martin 1, San Jose Del Monte City, Bulacan kamakalawa. Basag ang bao ng ulo ng biktimang si Lloyd Gutumbato, estudyante at nakatira sa Brgy. Assumption sa nasabing lungsod. Sumuko naman sa pulisya ang drayber na si Alberto Ebgos, 45, ng Carissa 2A, Palmera Subd., Brgy. Kaypian. Sa imbestigasyon ni PO2 Mark Democrito, nagmomotorsiklo ang biktima sa kahabaan ng EVR Avenue nang mag-overtake ito sa sinusundang Valisno Bus (TWO-886). Gayon pa man, nawalan ng kontrol ang biktima saka sumemplang patungo sa ilalim ng bus kung saan nagulungan ang buo nitong katawan.