Bombero nilikida sa palengke

NORTH COTABATO, Philippines - - Napaslang ang 43-anyos na mi­yembro ng Bureau of Fire Protection (BFP) matapos itong pagbabarilin ng di-kilalang lalaki sa loob ng Pikit Public Market sa North Cotabato kamakalawa ng hapon. Kinilala ni P/Insp. Mautin Pangandigan, hepe ng Pikit PNP ang biktima na si F02 Taib Mamasalagat Acob ng Barangay Buliok sa nasabing bayan. Sa inisyal na pagsisiyasat ng pulisya, nasa loob ng tindahan ang biktima at bumibili ng tali  nang lapitan at ratratin ng maskaradong lalaki gamit ang cal.45 pistol. Napuruhan sa leeg at kanang braso ang biktima habang tumakas naman ang gunman sakay ng motorsiklo  patungo sa direksyon ng Pagalungan, Maguindanao.