Sundalo todas sa buy-bust

NORTH COTABATO, Philippines – Napaslang ang isang sundalo ng Phil. Army habang nasakote naman ang kasabwat nito sa naganap na buy-bust operation ng mga operatiba ng pulisya sa Barangay Poblacion 3, bayan ng Midsayap, North Cotabato kahapon. Kinilala ni P/Supt. Reinante delos Santos, hepe ng Midsayap PNP ang napatay na si Tumindig Guiapal habang kinasuhan naman ang kasamahan nito na si Teng Kabalu, 46, magsasaka ng Dalican, Datu Odin Sinsuat, Maguindanao. Nasamsam sa dalawa ang 60-gramo ng shabu matapos ang raid ng Midsayap PNP at ng Criminal Investigation and Detection Group (CIDG).