Indian trader itinumba

LEGAZPI CITY, Albay, Philippines - – Napatay ang isang negosyanteng Bumbay habang dalawa nitong kasama ang malubhang nasugatan matapos ratratin ng mga di-kilalang lalaki sa bahagi ng Barangay San Roque, bayan ng Calabanga, Camarines Sur kamakalawa ng umaga. Kinilala ang napaslang na si Paramjit Signh habang naisugod naman sa Bicol Medical Center ang dalawang sugatang  sina Navjot Singh at Lakhawinder Singh na pawang nakatira sa Naga City. Base sa police report,  magkakasama ang mga biktima para maningil ng kanilang pautang nang harangin at ratratin ng dalawang di-kilalang lalaki pagsapit sa nasabing lugar. Narekober sa crime scene ang ilang basyo ng bala ang cal. 45 pistol habang patuloy naman ang imbestigasyon.