16 nasagip sa lumubog na bangka
QUEZON , Philippines – Nasa malubhang kalagayan ang 65-anyos na lola habang nagpapagaling naman ang 15-iba pa makaraang lumubog ang motorized banca na sinasabing sinalpok ng malakas na alon sa karagatan ng Barangay Silongin sa bayan ng San Francisco, Quezon, kamakalawa ng gabi.
Kasalukuyang nakikipaglaban kay kamatayan sa Bondoc Peninsula District Hospital ang lolang si Maura Permejo habang sumasailalim sa debfriefing ang mga nakaligtas na sina Reynante Marca, Jellie, Jelen, Eveleyn, Jerwin, pawang may apelÂyidong Marca; Jerry Raba, Eddie Quindoza, Precy Quindoza, Boyet Llaneta, Ignacio Patiag, Renz Rex Revira, Nilo Revira, Disodado Tunacao at ang may-ari ng bangka na si Elenito Reyes.
Sa inisyal na imbestigasÂyon, papadaong na sana ang bangka na may layong 50 metro sa dalampasigan nang salpukin ito ng malalaking alon kung saan unti-unting lumubog.
Kaagad naman rumesÂponde ang mga awtoridad at nailigtas naman ang mga biktima subalit kasamang lumubog ng bangka ang mga kagamitan.
- Latest
