7 katao utas sa sunog
NORTH COTABATO, Philippines - – Pito-katao ang iniulat na sinalubong ni kamatayan matapos makulong sa nasusunog sa tatlong gusali sa bayan ng Manay, Davao Oriental kamakaÂlawa ng gabi.
Sa report ng lokal na Bureau of Fire Protection, kinilala ang mga namatay na sina Emily Diabakid, Ailyn Andoyo, Junelie Cabrera, Bernadeth Bodadong, Joseph Tingal, Jubert Tingal, at si John Agusete na pawang trabahador sa tindahan ng pintura.
Ayon kay FO2 Jessie Duarte ng Manay Fire Station, naganap ang sunog dakong alas-11 ng gabi noong Huwebes sa Barangay Poblacion kung saan nasunog ang Palomares Store at dalawa pang establisyemento na katabi.
Bandang alas-3 ng madaling araw kahapon ay tuluyang naapula ang sunog kung saan nakita ang pitong katawan ng mga biktima na halos magkakadikit ang katawan.
Sinasabing magkakasamang natutulog ang mga biktima at hindi na nakalabas pa mula sa nasusunog na mga gusali.
Tinatayang aabot naman sa P3 milyong halaga ng ari-arian ang inisyal na danyos na iniwan sa nasabing sunog habang patuloy pa ang imbesÂtigasyon.
- Latest
