Albay niyanig ng lindol

MANILA, Philippines - Niyanig ng magnitude 4 na lindol ang bahagi ng Albay kahapon ng madaling araw, ayon sa ulat ng Philippine Institute of Volcanology and Seismology (Phivolcs). Naganap ang pagyanig bandang alas 1:39 ng madaling araw kung saan natukoy ang sentro may 19 -kilometro sa hilagang silangan ng bayan ng Rapu-rapu sa Albay. Wala namang sumunod na aftershocks sa nasabing lindol at walang iniulat na naapektuhan ari-arian.