Ex-convict itinumba

CEBU CITY, Philippines - – Pinabulagta ang 25-anyos na sinasabing ex-convict matapos itong ratratin ng ‘di-kilalang lalaki sa bahagi ng Barangay Guadalupe, Cebu City, Cebu kamaka­lawa. Pitong bala ng cal. 45 pistol ang tumapos sa buhay ni Ernesto Obrador, motorcycle-for-hire driver, at kalalaya pa lamang noong nakalipas na buwan mula sa New Bilibid Prison, Muntinlupa City sa kasong murder may tatlong taon na ang nakalipas. Nagmomotorsiklo si Obrador sa kahabaan ng Forest Hills, Banawa nang sundan at ratratin ng motocycle-riding gunman. Narekober ang motorsiklo at cell phone ng biktima. Ayon kay SPO1 Ruth Violango, lumilitaw na bago mapatay ang biktima ay nabanggit nito sa ilang kaibigan na may nakaalitan siya subalit hindi naman kinilala. Freeman News Service