9-anyos patay sa senglot

LAGUNA , Philippines   -  Bulagta ang 9-anyos na babae matapos tamaan ng ligaw na bala mula sa nag-aaway na grupo ng senglot sa Barangay Langkiwa, Biñan City, Laguna noong Linggo ng gabi. Namatay habang ginagamot sa Perpetual Help Medical Center ang biktimang si Joyce Valencia habang isa sa mga suspek na si Eusebio Perez ay nasakote ng pulisya. Tugis naman ang iba pang suspek na sina Edgar Escosura at Emilioner Perez Sa ulat na nakarating kay P/Supt. Rizalito Gapas, hepe ng Biñan PNP, nag-iinom ang mga suspek nang dumating ang di-kilalang lalaki kung saan akmang sasaksakin si Escosura. Gayon pa man, nakailag si Escosura kung saan nagawang tumakas ng lalaki kaya hinabol at binaril ni Perez. Subalit sa halip na tamaan ang hinahabol ay ang bata na nakatayo lamang sa di-kalayuan ang napuruhan.