Ama dedo, anak grabe sa kuryente

TUGUEGARAO CITY, Cagayan, Philippines – Bulagta ang  53-anyos na ama habang kritikal naman ang anak nito makaraang makur­yente sa loob ng kanilang bahay sa Barangay Pao Norte, San Fernando City, La Union kamakalawa.
 Kinilala ng pulisya ang namatay na si Edward Ducusin Sr. habang nasa malubhang kalagayan naman ang anak nito na si Eduard Ducusin Jr. na naisugod naman sa Ilocos Training and Regional Medical Center.
 Napag-alamang kinu­kumpuni ng biktima ang mga kable nang mapahawak ito sa talop na linyang kuryente kung saan kaagad na nagkikisay. Tinangkang tulungan ng nakababatang Ducusin ang ama nito habang nangi­ngisay subalit dumaloy din ang kuryente sa katawan nito.