Mag-asawa, 3 anak patay sa sunog
MANILA, Philippines - Kalunus-lunos na kamatayan ang sinapit ng mag-asawa at tatlo nitong anak makarang makulong sa nasusunog nilang establisyemento sa bayan ng Claver, Surigao del Norte, ayon sa ulat kahapon.
Ayon kay SPO1 Joel Verano ng Claver PNP, ang insidente ay kahapon lamang ng umaga iniulat sa kanilang tanggapan dahil sa may kalayuan ang lugar na pinangyarihan ng insidente na naganap dakong alas-12:10 ng madaling-araw noong linggo.
Kabilang sa namatay ay ang mag-asawang Gliserio Macalos, 73; at Marites Macalos, 49; mga anak na sina Axel John Macalos, 11; Mitch Macalos, 7; at si Angel Macalos, 5.
Sa imbestigasyon, naganap ang insidente sa isang lugar ng komersyo may ilang metro ang layo sa Taganito Mining Corporation sa bayan ng Claver.
Nabatid na ang mga biktima ay nasa loob ng kanilang auto supply ng magsimula ang sunog sa katabing boarding house.
Mabilis na kumalat ang apoy na umabot sa auto spare parts shop ng pamilya Macalos at katabi nitong vulcanizing shop.
Lumilitaw naman sa inisyal na pagsusuri ng mga arson investigator na faulty electrical wiring sa boarding house ang pinagmulan ng apoy.
Umaabot naman sa P2.5 milyong halaga ng ari-arian ang naabo kung saan tuÂmagal hanggang Lunes ng madaling-araw.
- Latest
