Onsehan sa droga; 2 itinumba
QUEZON , Philippines - Pinaniniwalaang onsehan sa droga kaya pinagbabaril hanggang sa mamatay ang dalawang drayber saka itinapon sa gilid ng kalye sa Pleasantville Subdivision, Barangay Ilayang Iyam, Lucena City sa Quezon kamakalawa ng madaling-araw.
Kapwa napuruhan sa ulo ng bala ng cal. 45 pistol ang mga biktimang sina Roberto Ruiz, 34, traysikel drayber, ng Ciudad Maharlika; at Brandon Jimenez, 39, jeepney drayber, ng Barangay Cotta.
Bandang alas-3:30 ng madaling-araw nang madisÂkubre ng security guard ng nasabing subdivision ang bangkay ng dalawa.
Narekober sa crime scene ang mga basyo ng cal. 45 pistol, improvise water pipe, at disposable lighter sa bulsa ng mga biktima. Napag-alamang si Ruiz na daÂting trike driver ay sumama kay Jimenez na sinasabing nagtutulak ng bawal na droga at nakulong noong 2011.
- Latest
