Kawani ng DENR tiklo sa droga

TUGUEGARAO CITY, Cagayan, Philippines – Kalaboso ang 28-anyos na kawani ng lokal na sangay ng Department of the Environment and Natural Resources (DENR)  makaraang arestuhin ng mga operatiba ng pulisya sa inilatag na buy-bust operation sa Brgy. Atulayan, Tuguegarao City, Cagayan kamakalawa.
 Pormal na kinasuhan ang suspek na si Alan Jay Luna,  data enconder sa DENR Region 2 office at nakatira sa Brgy. Bagumbayan. Sa ulat na nakarating kay Cagayan Valley PNP director P/Chief Supt. Rodrigo De Gracia, si Luna ay nalambat ng pinagsanib na puwersa ng Tuguegarao City PNP at Cagayan Provincial Public Safety Company sa bahagi ng Brgy. Atulayan.
 Nasamsam sa suspek ang plastic heat sealed sachet ng shabu at ang mark money na P500.