Bata pinabulagta ng sekyu

CAVITE, Philippines – Napatay ang isang batang lalaki na namumulot ng pira-pirasong bakal matapos itong barilin ng security guard sa bahagi ng isang subdivision sa Barangay Molino 4, Bacoor City, Cavite kamakalawa ng gabi.

Kasalukuyang bineberipika ang pagkakakilanlan sa bata na may edad 8 hanggang 10.

Samantala, pinaghahanap naman ng pulisya ang suspek na si Roberto Gaucela ng Cypress Security Agency at nakatira sa Sitio Polo, Brgy Anabu 2C, Imus City.

Ayon kay SPO1 Joel Malinao, naka-duty ang suspek sa nasabing lugar nang mamataan ang biktima na nangunguha ng mga bakal sa loob ng nasabing subdivision. Gayon pa man, hindi sinita ng suspek at sa halip ay binaril ng shotgun.