Lola tinodas ni lolo saka nag-suicide
MANILA, Philippines - Pinaniniwalaang matinÂding selos ang isa sa motibo kaya pinagtataga hanggang sa mapatay ang 70-anyos ng lola ang kanyang asawang lolo saka nagpakamatay sa loob ng kanilang tahanan sa Barangay Maygatasan, Bayugan City, Agusan del Sur.
Sa police report na nakarating sa Camp Crame, nakilala ang pinatay na si Editha Salamanes Hayon habang nagpakamatay naman si Fermin Enoy Hayon, 72, kapwa nakatira sa Purok-8, Barangay Maygatasan sa nabanggit na lungsod.
Lumilitaw sa inisyal na imbestigasyon, natutulog ang biktima sa kanilang bahay nang dumating ang senglot na suspek bandang ala-1:40 ng hapon.
Makalipas ang ilang sandali, animoy’ sinapian ng masamang espiritu ang suspek at pinagtataga ang kanyang asawang natutulog.
Matapos na pagtatagain ang asawa ay sinasabing nahimasmasan ang suspek sa nagawa sa sariling misis kaya, nagsaksak ito sa sarili hanggang sa mamatay
Nasaksihan naman ang insidente ng kanilang 10-anyos na apo kaya naipaabot sa kinauuÂkulang opisyal ng barangay bago nakarating sa himpilan ng pulisya.
- Latest
