6-anyos pisak sa SUV

BULACAN , Philippines   â€“ Pisak at namatay ang 6-anyos na babaeng estudyante matapos na masagasaan ng sports utility vehicle (SUV) habang naglalakad sa gilid ng kalsada sa Barangay Bahay-Pare, Meycauayan City sa Bulacan kamakalawa ng hapon. Namatay habang ginagamot sa ospital ang biktimang si Chean Jean Rivera habang arestado naman ang driver ng Mitsubishi Montero (UQE 174) na si Romeo Cruz, 70, ng Mt. Carmel Subd, sa Barangay Iba. Sa ulat na nakarating kay P/Senior Insp. Leo Estorque, naglalakad pauwi ang biktima kasama ang kanyang ina nang mahagip ng SUV ni Cruz sa gilid ng kalsada. Pinaniniwalaang nasa danger side ng kalsada ang batang hawak sa kamay ng ina kaya naganap ang hindi inaasahang sakuna.