Store owner itinumba

MANILA, Philippines - Napatay ang 36-anyos na store owner matapos na pagbabarilin ng dalawang di-kilalang lalaki  sa tindahan nito sa Barangay Bayugan 3, bayan ng Rosario, Agusan del Sur kamakalawa ng hapon. Nagtamo ng dalawang tama ng bala ng cal. 45 pistol sa ulo at iba pang bahagi ng katawan ang biktimang si Clark Pacatang Sr. Sa police report na nakara­ting sa Camp Crame, sumulpot sa tindahan ang  dalawang lalaki na magkaangkas sa motorsiklo kung saan agad na umorder ng dalawang bote ng alak. Matapos uminom ng alak ay sinundan ng dalawa si Pacatang sa counter saka pinutukan ng ilang ulit.