Misis inaway ng mister, nagbigti

CAVITE, Philippines – Pinaniniwalaang dinamdam ng 28-anyos na misis ang pakikipag-away nito sa kanyang mister kaya nagdesisyong magbigti sa kanilang bahay sa Barangay Wawa 3, bayan ng Rosario Cavite kahapon ng madaling-araw. Bandang alas-4:30 ng madaling-araw nang madiskubre ng mister na si Gonzalo Andrada ang nakabiting katawan ng kanyang misis na si Celma Damaos, factory worker at kapwa nakatira sa Little Baguio sa nabanggit na barangay. Sa ulat ni P02 Elleazar Causaren, bago ang pagpapakamatay ng biktima ay napigilan na ito sa unang pagpakamatay. Subalit sa ikalawang pagkakataon ay hindi na nagpaawat pa si kamatayan na salubungin ang biktima matapos muling mag-away ang magka-live-in sa hindi nabatid na dahilan.