Obrero kinatay ng tindero

BULACAN, Philippines – Matinding panibugho ang isa sa motibo kaya nagawang pagtatagain at pugutan ng tindero ang nakaalitang obrero sa Barangay Tungkong Mangga sa San Jose Del Monte City, Bulacan kahapon ng umaga.  Kiniala ang napaslang na si Mario Meneses, 46, habang nasakote naman ang suspek na si Daniel Goron, 22, kapwa nakatira sa Paradise 1 Subd. sa nabanggit na barangay. Base sa ulat ng pulisya, bumibili ng mga sangkap sa pagkain ang biktima nang lapitan at pagtatagain ng suspek. Tinangkang tumakas ng suspek subalit dinaluhong siya ng ilang residente at mga nagpapatrolyang sina SPO4 Norberto Murillo at PO3 Dwight Danao bago dinala sa himpilan ang pulisya.