2 katao nalunod

TUGUEGARAO CITY, Philippines - Dalawa katao ang nilamon ng Cagayan river sa magkakahiwalay na insidente sa bayan ng Luna, Isabela kamakalawa.

Kinilala ni Isabela Police Spokesman Supt. Narciso Paragas ang  mga nasawing biktima sa Brgy. Unyon Kalinga, Luna na si Reynaldo Cayme Jr., 25 samantalang nalunod naman si Artemio Garcia 30, residente ng Brgy.  Villa Concepcion, Cauayan City sa kalapit Barangay ng Lalug sa bayan rin ng Luna.

Nabatid na ang mga ito ay naligo sa ilog sa sobrang init ng panahon na kapwa aksidenteng nalunod ng tangayin ng agos.