2 dedo, 7 sugatan sa sakuna

TUGUEGARAO CITY, Philippines - Dalawa-katao ang iniulat na  namatay habang pitong iba pa ang sugatan matapos salpukin ng multicab ang nakaparadang traysikel sa baybay-daan ng Brgy. Turod sa bayan ng Sta. Cruz, Ilocos Sur kamakalawa. Kinilala ang mga nasawi na sina Johnson Aguinaldo, 46, driver ng multicab; at Josephine Jacusalem, 37, pasahero ng trike. Kabilang naman sa nasugatang pasahero ng trike ay sina Jasmine Elaine Sagado, 22; Blessie Hope, 20; Ike Biligan, 58; Sharmaine Dyan Gacusan, 14, na pawang nakatira sa Brgy. San Pedro.  Samantala, nasugatan namang pasahero ng multicab ay sina Cristobal Barot, 34; Lito Gaoat, 38; at si Seprido Osio, 30. Nabatid na nag-overtake ang multicab ni Aguinaldo sa sinusundang sasakyan kung saan kumabig ito pabalik sa kanyang linya dahil may kasalubong na sasakyan subalit  bumangga sa nakaparadang trike na may mga  pasahero.