Totoy utas sa beach resort

CAVITE, Philippines - Kamatayan ang sumalubong  sa 8-an­yos na totoy matapos itong malunod sa beach resort sa Barangay Timalan, bayan ng Naic, Cavite, kahapon ng umaga.

Bandang alas-9:20 ng umaga nang matagpuang nakalutang ang katawan ng biktimang si Michael Sanico, Grade 3 pupil at nakatira sa Sampaguita Street, Barangay Kalawaan sa Pasig City.

Nabatid na nag-outing ang pamilya ng biktima sa Villa Criselda Beach Resort kung saan sa pag-aakalang nasa loob ng cottage ang biktima ay binalewala.

Subalit nang usisain ang loob ng cottage ay nawawala ang biktima at natagpuan na lamang na lumutang ang bangkay sa baybay-dagat ng beach resort.