Ship engineer itinumba sa bar
MANILA, Philippines - Napatay ang 38-anyos na ship engineer ng National Power Corporation makaraang ratratin ng hindi pa nakilalang lalaki habang umiinom sa bisinidad ng Barangay Poblacion, Lapu-Lapu City, Cebu kamakalawa.
Idineklarang patay sa Sotto Memorial Medical Center matapos tamaan ng tatlong bala ng baril sa likuran si Jomar Lacinto, stay-in 2nd Engineer ng barko ng Napocor na nakadaong sa pantalan ng nasabing lungsod.
Sa police report na nakarating sa Camp Crame, umiinom ng alak ang biktima kasama ang dalawang babae nang lapitan at pagbabarilin ng di-kilalang lalaki na naka-wig at itim na jacket.
Nagpulasan naman ang mga kustomer sa bar dahil sa matinding takot bagay na sinamantala ng killer sa kaniyang pagtakas.
Sa pahayag naman sa mga imbestigador ni ExcelÂso Gonzales, kapitan ng barko na wala silang alam na kaaway ang biktima.
- Latest
