Motorsiklo sumalpok sa kotse

CAVITE , Philippines – Napaaga ang salubong ni kamatayan laban sa backrider ng motorsiklo habang kritikal naman ang driver nito matapos  sumalpok  sa kasalubong na kotse  sa Aguinaldo Highway, Barangay Tubuan 2 sa bayan ng Silang Cavite kahapon ng madaling-araw. Kinilala ang nasawi na si Randy Nuestro ng  Alfonso, Cavite, habang malubha naman si Eric Salac, 26, ng Barangay Maderan, General Mariano Alvarez, Cavite. Samantala, arestado naman ang driver ng kotse (XAV 401) na si Andromicko Bukuhan ng #3455 F. Aguilar Street, Barangay Obrero, Tondo, Manila. Sa ulat ni PO3 April Jo Ambojia, naisugod sa Estrella Hospital ang dalawa subalit idineklarang patay si Nuestro.