Nene pisak sa sagasa

MANILA, Philippines - Patay ang isang 6 anyos na  batang babae makaraang aksidente itong mabangga ng isang rumaragasang behikulo  ng isang brgy. chairman habang naglalaro malapit sa Brgy. Hall ng San Vicente, Butuan City kamakalawa ng umaga.

 Idineklarang dead-on-arrival sa MJ Santos Hospital sa Butuan City ang biktimang si Jonna Mangadlao matapos na magtamo ng grabeng mga sugat sa iba’t ibang bahagi ng katawan.

 Sa ulat, sinabi ni CARAGA Police Spokesman Supt. Martin Gamba, naganap ang sakuna sa kahabaan ng highway malapit sa Brgy. San Vicente hall sa lungsod na ito dakong alas-10:15 ng umaga.

Naglalaro ang bata ng masagasaan ng Toyota Fortuner na minamaneho ni Raul Carampata, nasa hustong gulang, chairman sa Brgy. San Vicente ng naturang siyudad.