71-anyos na Tsinoy nagbaril sa ulo

QUEZON, Philippines – Kusang nagpasalubong kay kamatayan ang 71-anyos na Tsinoy na sinasabing tumangging magpapetisyon sa anak na nasa abroad matapos itong magbaril sa ulo sa loob ng kanilang bahay kamakalawa ng umaga sa Barangay Poblacion sa bayan ng Candelaria, Quezon.

Ayon sa pulisya, dakong alas-7 ng umaga nang matagpuan ang biktimang si Thomas Ngo Lao ng kanyang anak na babae na si Gladys na may tama ng bala sa ulo kung saan na-recover sa tabi nito ang cal. 9mm pistol.

Lumalabas sa imbestigasyon na bago isinagawa ng biktima ang suicide ay nakausap nito sa telepono ang anak na lalaki sa abroad at pinipilit na itong ipetisyon upang  doon na manirahan.

Iginigiit naman ng bikttima na hindi niya iiwanan ang Pilipinas at dito na siya maninirahan hanggang sa pagtanda.

Pinaniniwalaag nagkaroon umano ng hindi pagkakaunawaan ang mag-ama hanggang sa magpasya ang biktima na magpatiwakal.