Mag-asawang magsasaka, nilikida

CAMARINES NORTE, Philippines – Pinagbabaril hanggang sa ma­patay ang mag-asawang magsasaka ng mga di-kilalang kalalakihan sa loob ng kanilang tahanan sa Sitio Danao, Barangay Imanod sa Legazpi Ctiy, Albay kamakalawa ng hapon. Pinaniniwalaang apat na araw ng patay nang madiskubre ang bangkay  ng mag-asawang Claudio at Lydia Loveranes. Sa police report, huling namataang buhay ang mag-asawa na magkasamang naglalakad noong huling linggo ng Hulyo. Isinantabi ng pulisya ang anggulong pagnanakaw dahil sa wala namang nawawalang kagamitan sa loob ng bahay.  Sinisilip ng mga imbestigador ang anggulong away sa lupa ang isa sa motibo ng killer.