2 pulis, 1 pa sugatan sa ambush

CAVITE, Philippines – Sugatan ang dalawang miyembro ng Cavite Police Provincial Safety Company (CPPSC) at isang sibilyan makaraang ambusin ang mga ito ng tatlong hindi nakilalang lalaki habang nagsasagawa ng surveillance sa kahabaan ng Aguinaldo Highway, Anabu Hills, Brgy. Anabu, Imus ng lalawigang ito. Ayon sa ulat, ang mga biktima ay nakilalang sina PO1 Roseman Batao, 26; PO2 Rodelio Panen, 24, kapwa miyembro ng CPPSC at si Jocky Bungalso, 36.   Batay sa imbestigasyon, dakong alas- 12:05 ng hapon ng magsagawa ng surveillance ang mga miyembro ng CPPSC sakay ng motorsiklo sa nasabing lugar laban sa mga suspek na sinasabing miyembro ng ‘Puruntong robbery hold up gang’. Subalit habang nagsasagawa ng surveillance ay bigla na lamang silang pinagbabaril ng tatlong suspek na nakasakay sa isang motorsiklo.