3 katao nalunod

TUGUEGARAO CITY, Philippines – Tatlo katao ang nasawi matapos na malunod sa magkakahiwalay na insidente sa lalawigan ng Cagayan at Ilocos Sur kamakalawa.

Base sa ulat, unang nalunod ang 4 anyos na si Alyssa Laurente ng Santa, Ilocos Sur habang naliligo sa dagat kasama ang kaniyang pamilya bunga ng matinding init ng panahon.

Ang isa pa ay ang 8 anyos na batang lalaki na si Vincent Agustin, Grade II ng Brgy. Namambalan Norte, Tuguegarao City na nalunod naman sa ilog ng Cagayan matapos na tangayin ng malakas na agos.

Hindi umano namalayan ng kanilang mga magulang ang dalawang bata bunga ng sobrang kasiyahan at kapwa ang mga ito pinaghahanap pa rin matapos lamunin ng malakas na agos at alon.

Samantalang sa Brgy. Baybayog, Alcala, Cagayan nagpakitang gilas ang mangi­ngisdang si Jesus Adviete, 37, sa kanyang anak matapos itong sumisid sa malalim na bahagi ng Pared River pero ilang oras pa ay bangkay na itong lumutang.